Basic HTML Version
205
алмаса да, келешектегі лек айта алады. Өмір өткен сайын нағыз
шындықты арқау еткен шығармалар, көркем дүниелер қала
береді. Мен өзі көп те жазған адам емеспін. Жазғаным – «Ақан
серінің» екі кітабы болса, оның үшінші кітабы ойымда жүр.
«Аманай мен Заманайды» өзім повесть деп қойып едім, ро-
ман деп жүр. Бұл да, шынын келгенде, роман, неше бір тағдыр-
лар жатыр онда. Содан кейін жаңағы «Жапандағы жалғыз үй»,
осы үшеуі ғой менің жазғаным. Осыған қарағанда, мен онша
көп жазбаған сияқтымын. Көп жазбағанмен, өзімше мəнді жаз-
дым ғой деп есептеймін. Халқымның бағасына қарағанда со-
лай. Үлкендердің, сыншылардың айтуына қарап, осылай деуге
болатындай. Сондықтан, аз жаздым деп өкінбеймін. Əрине,
өкінетін нəрселерім де жоқ емес. Абылай ханды жазам деп
жүріп, киноменен қанша уақытым өтіп кетті. Бұл тұста үлкен
қиянат жасалды. Уақыты келгенде ол туралы айтылады. Ол өз
алдына ұзақ əңгіме. Осылай-осылай жүргенде «Абылай хан»
романын жазу қалып қойды. Кішкене суып қалдым да, енді
қолға алсам ба деп жүргенде, тағы бір тақырыптар қинап жүр.
Көптен бері жаза алмай жүрген бір шығармам бар, соны қолға
алғым келеді. «Ақан серінің» үшінші кітабы да тұр. Қысқасы,
жазылатын нəрсе жетеді. Бəрін қолға алуға уақыт жетпей жа-
тады. Мен өзі көп ойланып жүрсем де, тез жазып тастаймын.
Қазір жасымыз келіп қалды, менімен жастылар өзінің өткен
өмірін жазып жатыр. Менің жазғым келеді, қызық сияқты.
Менің өмірімде серілік пен сергелдеңді, қуаныш пен қиянат
бірге жүреді, халқымыздың тіршілігіне ұқсайды. Оқыған адам
қызықтап оқуы мүмкін. Жалпы, қазақ халқының тағдырына
менің тіршілігім келеді. Соларды жаза алмай келемін, өкінетін-
ақ нəрселер. Құдай өмір берсе, бес-алты жылдың ішінде жа-
зам ғой деп ойлаймын. Зейнеткер деген аты болмаса, біз
осы зейнеткерлікке де шықпаймыз, үнемі жұмыс үстіндеміз.
Алдағы уақытта екі-үшеуін еңсеріп тастасам, жаман болмас
еді деп ойлаймын.
– Сізді халқыңыз Сəкен сері деп еркелетеді. Оған сіздің
«Ақан серіңіз» ғана себеп емес, əрине. Құдай берген болмыс-
бітіміңіз, мінез-құлық, іс-əрекетіңіз сізді осындай атқа