Basic HTML Version
ша, мені қанағаттандырмаған жəне оған кінəлі тек қана біздің
елдегі социалистік құрылыс...
(Үшінші алынған жауаптан. 2 ақпан, 1978 ж.)
Азамат Жəкібаевтың тергеуші Гаринге берген түсініктеме-
сіндегі «...Қорытып айтсам, мен мұның бəрін қате жасап-
пын. Өзім дұрыс деп түсінгенмен, көзқарасым əлі түбегейлі
қалыптаспапты.
Мен бұзылмаған адаммын, тек аяғымды жаңсақ басып-
пын. Мен мəнді өмір сүріп, əке-шешеме, ағама, туыстарыма
қуаныш əкеп, жалпы қоғамға пайдамды тигізе аламын» дегені
ескерілмеген. Бастағы мақсат көзін құрту болған сияқты.
Оның тағдыры түрмеде шешілді. Қазақ КСР Қылмысты іс-
тер кодексінің 170-1 бабымен айыпты Жəкібаев Азамат
Қасымұлы Алматы қалалық сотының үкімімен Ішкі істер
министрлігінің арнайы психиатрия ауруханасына еркінен
тыс, міндетті түрде емдеуліге жіберілді. Азамат бұл жерден
тірідей шығармасын білді. Артынан барған шешесі Нұртайға:
«Мені кешіріңіздер... күтпеңдер. Мені енді бұл жерден тірі
шығармайды», – деуі сондықтан болатын.
1983 жылдың 12 қыркүйегінде өрімдей жастың өмірі үзілді.
«Өзін-өзі асып өлтірді» деген сөз ата-аналарының айтуына
қарағанда қисынға келмейтін сияқты. Əкесі – Қазақстан халық
əртісі Қасым Жəкібаев пен шешесі Нұртай Сартайқызының
бүгінде бар қол жеткізгені – саяси қуғын-сүргін құрбаны болған
ұлдарының қылмысты ісі тоқтатылып, қайта ақталғандығы ға-
на. Əке-шеше үшін бұл қуанышты шешім 1993 жылдың 14
көкегінде шықты.
«Қазақ əдебиеті» газеті, 16. 11. 2001 жыл