Page 4 - Әнуарбек Әуелбек. Болашығына қол созған Қазақстан

Basic HTML Version

4
Шəмілдің күйі төгілсе,
Ертістің суы толар ма-ай!
Омбыда өткен көп жақсы,
Арман не болсаң солардай!
Шынболат ДІЛДЕБАЕВ,
Омбы қаласы.
20-шілде, 1991 жыл
Б
ОЛҒАН
ІСТІҢ
БАСТАУЫ
Өліара шақ.
Қазақтың мұндай сөздеріне түсініктеме берудің өзі қиын.
Не ары емес, не бері емес, екі дүниенің ортасында қыл
көпірдің үстінде қылпылдап тұрғандай сəт көз алдыңа келе
қалғандай бола ма, қалай...
Бейнелі сөзді күнде айтыпжүрген соң қарадүрсіндеу естілер,
бəлкім. Десек те, мəн-мағынасына барлай қарасаңыз, не ол бо-
ларын, не бұл боларын білмей дағдарған немесе бір кезеңнен
екінші кезеңге аяқ басар сəттегі аз-кем іркіліс уақыт көңілде
көрініс бергендей болады.
Өткен ғасырдың 90-жылдарының басында біздің Қазақ-
стандағы ел-жұрттың ішкі дүниесінде осындай бір тылсым
үнсіздік пен беймəлімдеу алаңдаушылық сезімнің болғаны рас
еді. Жетпіс жыл бойы жалынан жел сипап көрмеген кеңестік
дəуірдің бауырына құрт түсіп, іріп-шіри бастаған болатын.
Оны кеңестік дəуірдің ыдырауы деп атап, 90-жылдарды өтпелі
кезеңге баладық. Өзі де солай еді.
Осынау өліара шақта жұрт көрші елдерге қарай мойын созғы-
лап, кімнің қандай қаракет жасап жатқанына да қызығушылық
білдіре бастады. Оңалбайдың Омбыға барғаны да осы кез бо-
латын.
1990 жылдың қараша-желтоқсан айларында Оңалбай Сады-
қов Омбыдағы Жоғары милиция мектебіне білімін жетілдіру
курсына барды. Өзгелер сияқты оқып-тоқып, білімін жетілдіріп